好耐都冇更新我既豬事丁為食日記啦!!因為我自己都好耐冇煮野, 同放假去左越南,泰國同返左香港,玩足四個月,超開心,遲些再上載我既旅行相同大家分享下。返黎悉尼又要返學,眨下眼就到左學期尾既考試,經過這個月日不 眠不休既努力溫習我終於畢業啦!!非常之甘開心^^要煮好野比自己食,上年新年,啊姨煮左粉絲蝦煲令我一試難忘,好想再食,決定試下煮,好好味呀!!正 ,粉絲好入味吸晒蝦既鮮味,仲要係粉絲好味過D蝦 ^^
調味料A: 薑蓉、蒜 (可加辣椒)
調味料B:蠔油2匙、醬油1匙、雞粉同糖少許
做法:
1. 首先處理蝦。挑出蝦腸,殼剝,保留尾部
2. 粉絲用冷水泡開,備用。
3. 熱砂鍋/平底獲,倒一匙油,爆香調味料A,倒入抹乾水分的中蝦,
煎至兩面都變色,便將蝦逐一挑出置盤中。
4. 粉絲排入砂鍋底,蝦重新回鍋置上頭,倒入調味料,加半杯水,
小火煮5分鐘,粉絲和蝦都熟了,轉中火,加入少許胡椒(可加蔥粒),
拌勻之後便可起鍋。